Arduino IDE හී වැඩසටහන් කරනය
Arduino සියල්ලම සදහා වැඩසටහන්
සකස් කිරීම සදහා යොදාගනු ලබන්නේ මෙම IDE එක වේ.මෙය නිර්මාණය කර
ඇත්තේ C පරිඝණක භාෂාව මත
පදනම්ව වේ.එමනිසා මෙම Arduino IDE යොදාගෙන Arduino සදහා වැඩසටහන්
ගොඩනැගීමේදී පිළිපැදිය යුතු බොහෝමයක් C
පරිඝණක භාෂාවේ නිතිම වේ.
ඒ අනුව
යොදාගන්නා දත්ත වර්ග, OPERATORS වර්ග හා FUNCTIONS නිර්මාණයේදී අනුගමනය කල යුතු නිතී C භාෂාවේ නිතිම වේ.මේවා
පිළිබදව PIC මයික්‍රොකොන්ට්‍රොලර
programming කරන විට
විස්තරාත්මකව පැහැදිලි කර ඇත.එමනිසා Arduino වැඩසටහන්
කරනය පිළිබදව සලකා බලනු ලැබේ.
Arduino IDE හී වැඩසටහන් කරනය
පිළිබදව සැලකීමේදී එහි අවම වශයෙන් ප්‍රධාන function දෙකකින්
සමන්විත වේ.එනම් setup () සහ loop () යන දෙක වේ. Arduino IDE එක ආරම්භ කරන
විටම මෙම function දෙක
ඇත.මොනතරම් විශාල වැඩසටහනක් වුවද මෙම function
දෙක මත වැඩසටහන ගොඩනැගීම කල යුතුය.
setup () function එක තුල මයික්‍රොකොන්ට්‍රොලරය
ක්‍රියාත්මක වීමට අදාල මූලික සැලසුම් වන INPUT/
OUTPUT සකස් කිරීම ආදීය සිදුකරනු ලැබේ.මේවා වැඩසටහනේ
එක් වරක් පමණක් ක්‍රියාත්මක වේ.එනම් Arduino එකට බලය ලබාදුන්
විට එක් වරක් පමණක් ක්‍රියාත්මක වී මේ තුල ඇති සැකසුම් අනුව INPUT/ OUTPUT සකස් කිරීම
සිදු කරනු ලබයි.
loop () function එක තුල වැඩසටහන ගොඩනැගීම සිදු කරනු ලබයි.එය නැවත නැවත
ක්‍රියාත්මක කරනු ලබයි.එසේම යොදාගනු ලබන අමතර වැඩසටහන් ද නිර්මාණය කරනු ලබන්නේ මේ
තුල වේ.
Arduino Libraries
මයික්‍රොකොන්ට්‍රොලර
යොදාගෙන වැඩසටහන් ගොඩනැගීමේදී එහි ඇති රෙජිස්ටර වලට සුදුසු අගයන් යොදා වැඩසටහන්
ගොඩනැගීම සිදු කරනු ලබයි.ඒ සදහා මයික්‍රොකොන්ට්‍රොලරයේ ඇති රෙජිස්ටර් පිළිබදව
දැනුමක් තිබිය යුතුය.එහෙත් Arduino IDE හී ඇති ප්‍රධානම
වැදගත්කම වන්නේ මයික්‍රොකොන්ට්‍රොලරයේ ඇති විවිධ ඒකක (ADC,PWM,Timer වැනි ඒකක) සහ
සම්බන්ද කරන විවිධ hardware කොටස් පහසුවෙන්
යොදාගැනීම සදහා language Libraries
එකක් සහ hardware
Libraries එකක් නිර්මාණය කර තිබීමයි.
එම නිසා Arduino සදහා
වැඩසටහන් ගොඩනැගීමේදී language Libraries
එකේ ඇති function
කෙලින්ම යොදාගත හැක.
උදාහරනයක් ලෙස ADC (Analog to Digital Conversion) ඒකකය යොදාගැනීමට නම් මයික්‍රොකොන්ට්‍රොලරයේ ඇති ADC ඒකකය හා සම්බන්ද ADMUX, ADCSRA, ADCH හා ADCL යන රෙජිස්ටර සදහා සුදුසු
අගයන් යෙදීමෙන් එම කාර්ය සිදු කරගත යුතුය.එහෙත් මෙහි ඇති language Libraries එක යොදාගෙන
පහසුවෙන් රෙජිස්ටර වල
දැනුමක් නොමැතිව එය සිදුකර ගත හැකිය.එහි එදිනෙදා බාවිතා කරන ඉංග්‍රීසි වචන යොදාගෙන
function නිර්මාණය කර
තිබෙන අතර එම function එක මගින් ඊට
අදාල කාර්යන් සිදු කරනු ලබයි.
උදා:-
ADC setup
කිරීම :- pinMode(A3, INPUT);
Analog සංඥාව කියවීමට int x = analogRead(A3);
language Libraries පිළිබද
වැඩිදුර තොරතුරු Arduino IDE හී help Reference
වෙත ගොස් ලබා ගත හැක.
